Вуліца Камсамольская (ад 1944 года)

Былыя назвы:
Алеся Гаруна (1941-1944),
Багадзельная вуліца (ад 1922 да 1941 года),
Богаяўленская вуліца (ХІХ ст.),
Фэліцыянская вуліца

Зямельныя працы на адрэзку паміж вул. Рэвалюцыйная і Інтэрнацыянальная. У трэцім доме справа сёньня крама "Швайцарскія гадзіньнікі". 
а) Здымак - 1950 год.
б) http://news.tut.by - 2012 год.

Ад вул. Інтэрнацыянальнай у бок Савецкай (пр.Незалежнасьці). Злева - кінатэатр "Перамога". Бакавы фасад будынка (арх. М.Бакланаў, І.Лангбард). Разлічаны больш чым на 500 гледачоў кінатэатр адкрыты ў лістападзе 1950-га. У тым раёне, дзе ён стаіць і дагэтуль, калісьці былі сад і каменная сьцяна жаночага Праабражэнскага манастыра (да 1872 г. - кляштара бенедыкцінак).
а) Здымак 1951 года.
б) http://news.tut.by - 2012 год

Багадзельная (Камсамольская) вуліца ў бок Нямігі. (В.М.Целеш - альбом "Гарады Беларусі на старых паштоўках", Менск "Беларусь" 2001)

Кавалак паміж вуліцамі Няміга (злева) і Інтэрнацыянальнай (справа). Зарас рэканструяваны. Знята ў 1968 г. Фота Валожынскага В.Г.

Вуліца Камсамольская на выхадзе да Нямігскай, дамы якой бачныя на заднім плане. 1946 год. (В.І.Каляда "Мінск. Учора і сёння", Мінск, "Беларусь", 1998)

Злева - ідзе падрыхтоўка для будаўніцтва кінатэатра "Перамога". Справа, у доме на рагу Камсамольскай і Інтэрнацыянальнай, знаходзілася рэстарацыя першага разраду "Зара".