МЕНСК
гісторыя па фотаздымках

Калісьці раён Камароўкі лічыўся ўскраінай Менску, сёньня ж плошча Якуба Коласа - амаль самы цэнтар. Прапануем здзейсніць невялікі «экскурс» у мінулае і даведацца, як мяняліся тутэйшыя месцы на працягу мінулага стагоддзя, і разам з тым параўнаць выявы на старых фотаздымках з днём сёньняшнім.

Будынак Інстытута фізкультуры быў пабудаваны ў 1939-м. Яшчэ доўгія гады ён ўзвышаўся гарой пасярод драўляных хат.

Пераносімся ў 2012-й.

1954 год.

Такі ж ракурс, наш час.

Менскі ЦУМ адчынілі ў лістападзе 1964 года, традыцыйна прымеркаваўшы падзею да сьвяткаваньня дня Кастрычніцкай рэвалюцыі. На той час гэта была самая буйная ў рэспубліцы універсальная крама.

ЦУМ сёньня.

Фота з акна Інстытута фізкультуры.

Яшчэ да з'яўленьня помніка Якубу Коласу, з 1965-га па 1972 год на плошчы стаяла металічная кампазіцыя «Мірны атам».

Часы застою. «Міжгароднія размовы з кватэрных тэлефонаў у крэдыт», - абвяшчае надпіс на даху жылога дома. Метро ў Менску яшчэ няма.

1985 год. Надпіс на даху змяніўся: «Квiтней, краіна саветаў».

На двары 1980-я.

І наш час.

У канцы 1980-х ЦУМ прыкметна здрахлеў, i краме спатрэбілася рэканструкцыя. Новы варыянт праекта прадугледжваў, за кошт надбудовы з лёгкіх металаканструкцый 4-га і 5-га паверхаў, павелічэньне гандлёвай плошчы да 8500 кв. м. У выніку будынак змяніўся да непазнавальнасьці. У лепшы ці бок - пытаньне спрэчнае. Абноўлены ЦУМ быў адкрыты да канца 1997 года.

На гэтым сёньня наш кароткі экскурс завершаны.