Вуліца названая ў гонар Авакяна Газароса Авецісавіча, героя Савецкага Саюза (1918 - 1945 гг.). Авакян Г.А. - армянін, удзельнік вызваленьня Беларусі ад нямецкіх захопнікаў.

У часе вайны вызначыўся ўдзелам у ліквідаваньні Менскага "катла" у Чэрвенскім раёне. Стралковы ўзвод пад яго камандаваньнем адбіў шэсьць варожых контратак, знішчыў 180 варожых салдат і ня даў ворагу прарваць кола акружэньня.
Удзельнік баёў пад Ельней, вызваленьня Беларусі і Польшчы.

Авакян Г.А. загінуў у студзені 1945 года ў адным з баёў за вызваленьне Польшчы. Пахаваны ён быў у вёсцы Пясочная Беластоцкага ваяводства.