Мост над ракой Сьвіслач ля Траецкага перадмесьця.
Мост паміж Нізкім рынкам і Траецкай гарой.

Мост праз Сьвіслач у зліцьці водаў рэк Сьвіслачы і Нямігі - адзін з самых старажытных у Менску.

Далёкі продак моста праз раку Сьвіслач на вуліцы Багдановіча - Хлусаў мост. Ён быў драўляным і значна меншых памераў, але спраўна выконваў сваё прызначэньне. Ёсьць меркаваньне, што сваім назовам ён абавязаны гараджаніну Лукашу Хлусу. Аднак, што гэта быў за чалавек, гісторыя замоўчвае. Па іншай версіі, імя сваё мост атрымаў дзякуючы суседству з Ніжнім рынкам, на процілеглым баку якой цяпер бярэ пачатак вуліца Няміга. «Хлус» азначае - ашуканец, падманлівы чалавек, а падобных людзей на рынку было дастаткова. Потым мост перайменавалі ў Аляксандраўскі. Так мост назвалі ў імя вуліцы, якая ў савецкі час была перайменаваная ў вуліцу Максіма Горкага, а цяпер носіць імя Максіма Багдановіча. У дарэвалюцыйны час мост злучаў вуліцу Катерининскую, якая ішла ад вуліцы Нямігскай да ракі Сьвіслач, і Аляксандраўскую.

Мост абслугоўваў гандляроў, якія мітусіліся паміж Нізкім рынкам (цяпер там стаіць Дом фізкультуры) і Траецкай гарой (зараз на яе вянчае - тэатр воперы і балета).

Мост перажыў некалькі рэканструкцый. Да 1967 года ён быў драўляным. У 1977-м яго пашырылі да 27 метраў, зрабілі тры пралёты. У 2009 годзе мост быў капітальна адрамантаваны і упрыгожаны лесьвічнымі сходамі да ракі, усталявана новая агароджа.

Рака Сьвіслач. Злева будынкі траецкага перадмесьця, справа - адхон Менскага замчышча, а за мостам відаць Верхні горад. (В.М.Целеш - альбом "Гарады Беларусі на старых паштоўках", Менск "Беларусь" 2001)

Відарыс на Траецкае перадмесьце і Верхні горад. Паштоўка пачатку 20-га стагодззя. (крыніца: http://www.polona.pl)

Аляксандраўскі мост на старых паштоўках пачатку 20-га стагодззя. (У.Ліхадзедаў, "Мінск. Падарожжа ў часе", Мінск, Тэхналёгія, 2008г.)

Мост па-над Сьвіслаччу на старых паштоўках пачатку 20-га стагодззя. (крыніца: http://www.polona.pl)

Мост праз Сьвіслач ля Ніжняга рынка. (В.І.Каляда "Мінск. Учора і сёння", Мінск, "Беларусь", 1998)